Հայաստանի ֆիզիկական կուլտուրայի և սպորտի պետական ինստիտուտում տեղի է ունեցել 2019 թվականի բուհի 10 լավագույն ուսանող մարզիկների և ՀՀ ուսանողական խաղերի չեմպիոնների և մրցանակակիրների մեծարման արարողությունը, հայտնում է ինստիտուտի մամուլի ծառայությունը։
Ներկա է եղել և 2019 թվականի մրցաշրջանում հաջողություններ գրանցած ուսանողներին շնորհավորել է ՀՖԿՍՊԻ-ի ռեկտորի պաշտոնակատար Դավիթ Խիթարյանը:
Հայաստանի ֆիզիկական կուլտուրայի և սպորտի պետական ինստիտուտի տարվա 10 լավագույն մարզիկներն են․ Հակոբ Մկրտչյան․ աշխարհի և Եվրոպայի չեմպիոն (ծանրամարտ), Արսեն Հարությունյան․ Եվրոպայի չեմպիոն (ազատ ոճի ըմբշամարտ), Սլավիկ Գալստյան․ աշխարհի առաջնության բրոնզե մեդալակիր (Հ/Հ ըմբշամարտ), Կարեն Ասլանյան․ Եվրոպայի առաջնության բրոնզե մեդալակիր (Հ/Հ ըմբշամարտ), Արթուր Ավետիսյան․ համաշխարհային ուսանողական խաղերի չեմպիոն և աշխարհի գավաթի խաղարկության բրոնզե մեդալակիր (մարմնամարզություն, օղակներ), Գոռ Ներսիսյան․ Եվրոպական խաղերի բրոնզե մեդալակիր (բռնցքամարտ), Արմեն Մելիքյան․ աշխարհի մինչև 23 տարեկանների չեմպիոն (Հ/Հ ըմբշամարտ), Վազգեն Թևանյան․ Եվրոպայի մինչև 23 տարեկանների չեմպիոն (ազատ ոճի ըմբշամարտ), Վարազդատ Լալայան․ աշխարհի և Եվրոպայի երիտասարդական առաջնության չեմպիոն (ծանրամարտ), Մալխաս Ամոյան․ Եվրոպայի երիտասարդական առաջնության չեմպիոն (Հ/Հ ըմբշամարտ), ինչպես նաև հաշմանդամություն ունեցող լավագույն մարզիկներ Սարգիս Ստեփանյանը (բազկամարտ) և Գևորգ Բեգլարյանը (սեղանի թենիս)։ Մարզիկները Դավիթ Խիթարյանի կողմից արժանացել են բուհի կողմից սահմանված դրամական պարգևների:
Ուսանողական խաղերի չեմպիոնի կոչմանն արժանացած ՀՖԿՍՊԻ-ի ուսանողներ՝ լողորդներ Գայանե Կարապետյանի և Հարություն Այվազյանի, եռամարտիկներ Ռուդիկ Ավդալյանի, Գրիգոր Հարությունյանի և Վարդան Մանուկյանի, աթլետներ Դավիթ Սարգսյանի, Միքայել Բաբլոյանի, Արթուր Ուդումյանի, Հարություն Ալեքյանի և Գայանե Չիլոյանի, ձյուդոիստներ Գասպար Հայրապետյանի, Արամ Աղաջանյանի, Տիգրան Բադալյանի, Մերուժան Սարգսյանի և Գուրգեն Ղաբուզյանի, բազկամարտիկ Դավիթ Դուդիկյանի, շախմատիստներ Հայկ Մարտիրոսյանի, Մանուիլ Պետրոսյանի, Մհեր Սարգսյանի, Հայկ Երիցյանի, Թերեզա Ամբուրջյանի, Ինեսա Քուլոզյանի, Աննա Սարգսյանի և Մարիամ Ավետիսյանի, բասկետբոլիստներ Լևոն Վաթյանի, Տիգրան Սմբատյանի, Մարտին Սանդրոսյանի, Հակոբ Տեր-Վարդանյանի, Արման Դանիելյանի, Վլադիմիր Հարությունյանի, Սարգիս Դոնապետյանի, Դավիթ Սահակյանի, Հակոբ Պոզոյանի, Մխիթար Վարդանյանի, Գոռ Գյագունցի և Ռուդոլֆ Հարությունյանի, հանդբոլիստներ Գևորգ Ավագյանի, Լևոն Պետրոսյանի Կարեն Պեպանյանի, Վարդան Հովեյանի, Դավիթ Բաբոյանի, Աշոտ Կռոյանի, Սեյրան Մարգարյանի, Գարի Թորոյանի, Ալեքս Կաղակի, Արթուր Հասիբյանի և Գրիգոր Ավագյանի համար նույնպես սահմանվել են դրամական պարգևներ:
Պարգևատրվել են նաև ՀՀ ուսանողական խաղերի մրցանակակիրը և վոլեյբոլի ՀՀ գավաթի 2019 թվականի խաղարկության չեմպիոններ դարձած ՖԻՄԱ թիմի տղաները: