ՊՍԺ-ի 28-ամյա բրազիլացի հարձակվող Նեյմարը գրառում է կատարել սոց.ցանցերում և սեր է խոստովանել ֆրանսիական ակումբին.
«Սիրում եմ քեզ, ՊՍԺ»,- ասվում է Նեյմարի գրառման մեջ:
je t’aime PSG ❤️💙 pic.twitter.com/TOUdcIBBCP
— Neymar Jr (@neymarjr) February 4, 2021
Ավելի վաղ հայտնի էր դարձել, որ Նեյմարը ՊՍԺ-ի հետ համաձայնության է եկել պայմանագիրը 4 տարով երկարաձգելու շուրջ։
Բրազիլացին 2017 թվականից է հանդես գալիս ՊՍԺ-ում, ուր տեղափոխվել էր «Բարսելոնայից»՝ 222 մլն եվրոյի դիմաց։ Գործող պայմանագիրը նախատեսված է մինչև 2022 թվականը։
Նեյմարը ՊՍԺ-ի հետ երեք անգամ հաղթել է Ֆրանսիայի առաջնությունում, երկու անգամ՝ երկրի Գավաթում, Սուպերգավաթում և լիգայի Գավաթում։ Նախորդ մրցաշրջանում փարիզեցիները հասան մինչև Չեմպիոնների լիգայի եզրափակիչ, որտեղ պարտվեցին «Բավարիային» (0-1)։