ՊՍԺ-ն պատրաստ է հաջորդ տարի 325 միլիոն եվրոյի դիմաց բաժանվել հարձակվող Կիլիան Մբապեից: Այդ մասին հայտնում է The Sun-ը:
Ըստ աղբյուրի՝ Մբապեն ակումբին արդեն հայտնել է, որ մտադիր է հեռանալ Ֆրանսիայից հաջորդ ամառ՝ պայմանագրի ավարտից մեկ տարի առաջ: Այնուամենայնիվ, ավելի քան 300 միլիոն գումարը անհասանելի կլինի ցանկացած ակումբի համար, հաշվի առնելով, որ 2022 թվականին հարձակվողը կարող է անվճար տեղափոխվել այլ ակումբ որպես ազատ գործակալ:
Աղբյուրը նաև հայտնում է, որ «Ռեալը», որը վաղուց էր ցանկանում ձեռք բերել Մբապեին, հաջորդ ամառ պատրաստ կլինի ֆրանսիացու համար վճարել ոչ ավելի, քան 100 միլիոն եվրո:
Անցած մրցաշրջանում 21-ամյա ֆուտբոլիստը մասնակցել է Լիգա 1-ի 20 հանդիպման, դարձել 18 գոլի եւ 5 գոլային փոխանցման հեղինակ:
