Կայացել են Անգլիայի Լիգայի գավաթի խաղարկության 2-րդ փուլի հանդիպումները։
«Էվերտոնը» սեփական հարկի տակ 3-0 հաշվով առավելության հասավ «Սալֆորդ Սիթիի» նկատմամբ։ Դուբլի հեղինակ դարձավ Քինը, ևս մեկ գոլ իր հաշվին գրանցեց Սիգուրդսոնը։
«Լիդսը» ոչ-ոքի՝ 1-1 հաշվով ավարտեց խաղի հիմնական ժամանակը «Հալլ Սիթի» հետ։ Հետխաղյա 11-մետրանոց հարվածաշարում ավելի հաջողակ գտնվեցին հյուրերը։
ԱՊԼ-ի նորեկներից մյուսը՝«Վեսթ Բրոմվիչը» ևս երեք անպատասխան գնադակ ուղարկեց «Հարոգեյթ Թաունի» դարպասը։
ԱՊԼ-ի ևս մեկ ներկայացուցիչ դուրս մնաց հետագա պայքարից․ «Սաութհեմփթոնը» սեփական հարկի տակ 0-2 հաշվով զիջեց «Բրենթֆորդին»։
Իսկ ԱՊԼ-ի երրորդ նորեկը՝ «Ֆուլհեմը» նվազագույն հաշվով արտագնա հաղթանակ տարավ «Իպսվիչի» նկատմամբ։
