Անգլիայի հավաքականի գլխավոր մարզիչ Գարեթ Սաութգեյթը Ազգերի լիգայում Իսլանդիայի հետ խաղից առաջ խոսել է ֆուտբոլսիտների մարզավիճակի մասին:
«Խաղացողները ընտելացել են և հարմարվել: Մենք ունենք շատ ավելի փորձառու խաղացողներ, ովքեր արդեն գիտեն, թե ինչպես ենք մարզվում, ինչպես ենք խաղում: Նրանք լավ են ազդում ավելի քիչ փորձ ունեցող ֆուտբոլիստների վրա, բայց երիտասարդներն էլ առանց վախի գալիս են հավաքական: Նրանք արագ հարմարվեցին, բարելավեցին մարզման որակը և մրցակցությունը: Հաճելի է վերադառնալ աշխատանքին:
Իրականում ես գոհ եմ այս փուլում խաղացողների խաղամակարդակից: Նրանք բոլորը պատշաճ մարզավիճակում են: Պարզվեց, որ ֆուտբոլիստների մարզավիճակն այնքան էլ մեծ խնդիր չէ, որքան ես կարծում էի», — Սաութգեյթի խոսքերն է մեջբերում ՈւԵՖԱ-ի պաշտոնական կայքը:
Ազգերի Լիգայի շրջանակում Անգլիայի հավաքականը սեպտեմբերի 5-ին արտագնա խաղում կհանդիպի Իսլանդիայի հավաքականի հետ։ Հանդիպումը կմեկնարկի Երևանի ժամանակով 20։00-ին։
Adjarabet բուքմեյքերական ընկերությունը Իսլանդիայի հավաքականի հաղթանակը գնահատում է 12 գործակցով, ոչ ոքին՝ 5,25, իսկ Անգլիայի հավաքականի հաղթանակը՝ 1,30։
