Իսպանական «Սևիլիան» հետաքրքրված է պորտուգալական «Բենֆիկայի» հարձակվող Ռաուլ դե Տոմասի ծառայություններով։ Այս մասին հաղորդում է De Telegraaf-ը։
Աղբյուրի փոխանցմամբ՝ անդալուսիական ակումբը ցանկանում է, որպեսզի թիմի հարձակման գծում լինի ֆուտբոլիստ, ով մրցակցություն կառաջարկի Լյուկ դե Յոնգին։
25-ամյա ֆուտբոլիստին շատ լավ ճանաչում է «Սևիլիայի» գլխավոր մարզիչ Խուլեն Լոպետեգին, ով նախորդ մրցաշրջանում մի քանի ամիս աշխատել է Մադրիդի «Ռեալում»։ Այդ ժամանակ դե Տոմասը հանդես էր գալիս «արքայական» ակումբում։
Հաղորդվում է, որ «Բենֆիկան» մտադիր է 20 միլիոն եվրո ստանալ Ռաուլ դե Տոմասի վաճառքից՝ գրեթե այնքան, որքան վճարվել է «Ռեալին» նախորդ ամառ։