«Բավարիայի» և Անգլիայի հավաքականի հարձակվող Հարի Քեյնը խոսել է 2026 թվականի «Ոսկե գնդակի» մրցանակաբաշխության մասին։
Անգլիացի ֆուտբոլիստը նշել է, որ մրցանակին արժանանալը իր համար անհավանական հպարտության պահ կլինի։
«Մի փոքր նյարդայնանում եմ, չեմ պատրաստվում ստել։ Սա տարբերվում է ֆուտբոլային հանդիպումից․ այստեղ ամեն ինչ իմ վերահսկողությունից դուրս է։ Սա առանձնահատուկ պահ է։ Փորձում եմ ամեն ինչ լիարժեք զգալ և վայելել։ Եթե ինձ հաջողվի հասնել դրան, դա անհավանական հպարտության պահ կլինի։
Սա միանշանակ իմ լավագույն մրցաշրջանն էր։ «Բավարիայի» հետ նվաճել եմ երեք տիտղոս։ Քիչ էր մնում հասնեինք Չեմպիոնների լիգայի եզրափակիչ, ինչպես նաև աշխարհի առաջնության կիսաեզրափակիչ։ Եթե հաղթանակներ տոնեի նաև այդ երկու մրցաշարերում, ապա մրցանակը երաշխավորված կլիներ՝ անկասկած»,- ասել է Հարի Քեյնը՝ DAZN-ի եթերում։
Քեյնը փայլուն մրցաշրջան է անցկացրել՝ ակումբի և ազգային հավաքականի կազմում խփելով ընդհանուր առմամբ 73 գոլ։ Նա «Ոսկե գնդակի» գլխավոր հավակնորդներից մեկն է։
Եթե Քեյնը հաղթի, կդառնա առաջին անգլիացին, որը կարժանանա այս մրցանակին 2001 թվականից ի վեր, երբ այն ստացել էր Մայքլ Օուենը։
