«Բարսելոնայի» և Բրազիլիայի հավաքականի նախկին ֆուտբոլիստ Ռոնալդինյոն սոցիալական ցանցերում հուզիչ գրառում է կատարել՝ անդրադառնալով Լիոնել Մեսսիի՝ Արգենտինայի ազգային հավաքականում հրաժեշտի խաղին։
«Ինչպիսի՜ հաճույք և ուրախություն էր առաջին իսկ օրվանից լինել քո պատմության մի մասը։ Դու ստիպում էիր մեզ ժպտալ և վայելել ֆուտբոլը։ Քո անունը գրված է Արգենտինայի և ամբողջ աշխարհի պատմության մեջ։ Միայն մենք գիտենք, թե ինչպիսի ուրախություն ապրեցինք, երբ իրականացրինք մեր մանկության երազանքը՝ դառնալով աշխարհի չեմպիոն։ Դու ամեն ինչ տվեցիր հանուն քո թիմի և քո երկրի։
Ես քեզ շատ լավ հասկանում եմ։ Գիտեմ, որ այն ամենը, ինչ կապված է ընտանիքի հետ, ստիպում է մեզ շատ բան վերաիմաստավորել։ Վայելի՛ր կյանքը, եղբայր։ Քեզ ամենայն բարիք եմ մաղթում այսօր և միշտ»,- գրել է բրազիլացի լեգենդար ֆուտբոլիստը։
Նշենք, որ Մեսսին և Ռոնալդինյոն տարիներ շարունակ միասին հանդես են եկել կատալոնական «Բարսելոնայի» կազմում։
Մեսսին «Ոսկե գնդակի» ութակի դափնեկիր է։ Արգենտինայի հավաքականի կազմում նա դարձել է աշխարհի չեմպիոն, Օլիմպիական խաղերի հաղթող, ինչպես նաև Ամերիկայի գավաթի կրկնակի գավաթակիր։
