Հայաստանի Գավաթի խաղարկության նախնական փուլում կայացավ «Անդրանիկ» — «Էջմիածին» հանդիպումը: Խաղն անցավ «Անդրանիկի» բացահայտ առավելությամբ և ավարտվեց վերջինիս խոշոր՝ 5:0 հաշվով հաղթանակով։
Թիմը հանդիպման ելքը, ըստ էության, վճռեց դեռևս առաջին խաղակեսում՝ մրցակցի դարպասն ուղարկելով 4 անպատասխան գնդակ։ Փայլուն արդյունավետությամբ աչքի ընկավ 17 համարի մարզաշապիկով հանդես եկող Հովսեփ Հակոբյանը, ով դարձավ հեթ-տրիկի հեղինակ։ Առաջին կեսում ևս մեկ անգամ աչքի ընկավ Մաուրո Բենեդիտո Դոս Սանթոս Նետուն։
Երկրորդ խաղակեսում «Անդրանիկը» շարունակեց վերահսկել խաղի ընթացքը, իսկ գոլառատ հանդիպման վերջակետը դրեց Վահե Զաքարյանը՝ ձևակերպելով հանդիպման վերջնահաշիվը:
