Ամերիկյան «Ինտեր Մայամի» ակումբը պաշտոնապես հայտարարել է Բրազիլիայի հավաքականի, Մադրիդի «Ռեալի» և «Մանչեսթեր Յունայթեդի» նախկին կիսապաշտպան Կազեմիրոյի հետ պայմանագիր կնքելու մասին։
34-ամյա ֆուտբոլիստը ֆլորիդյան ակումբին է միացել ազատ գործակալի կարգավիճակով։ Կողմերը համաձայնագիր են կնքել մինչև ՄԼՍ-ի 2027 թվականի մրցաշրջանի ավարտը՝ այն ևս մեկ տարով երկարաձգելու հնարավորությամբ։ Գործարքի շրջանակում «Ինտեր Մայամին» «ԼԱ Գելեքսիից» ձեռք է բերել նաև խաղացողի Discovery Priority-ի իրավունքը։
«Ինձ համար ամենամեծ մոտիվացիան հաղթելն ու շարունակական աճ գրանցելն է։ Այն նախագիծը, որն ինձ ներկայացրեց ակումբը, և այն ջանքերը, որոնք գործադրվեցին ինձ այստեղ բերելու համար, շատ մեծ նշանակություն ունեն ինձ համար։ Անհամբերությամբ սպասում եմ խաղադաշտ դուրս գալուն, որպեսզի փոխհատուցեմ այդ վստահությունը՝ ոչ միայն խաղային 90 րոպեների ընթացքում, այլև ամենօրյա մարզումներին»։
Ակումբի համասեփականատեր Դևիդ Բեքհեմը նշել է․
«Շատ հպարտ եմ ողջունել Կազեմիրոյին և նրա ընտանիքին Մայամիում։ Նա մի ֆուտբոլիստ է, ումով հիացել եմ երկար ժամանակ։ Նա իսկական հաղթող է, ով հասել է անհավանական բարձունքների «Ռեալում» և «Մանչեսթեր Յունայթեդում»։ Ես հիացած եմ, որ նա որոշեց Մայամին դարձնել իր հաջորդ հանգրվանը»։
Ակումբի նախագահ Խորխե Մասի խոսքով՝ բրազիլացու տեղափոխությունը արտացոլում է «Ինտեր Մայամիի» տեսլականը՝ դառնալու ոչ միայն ԱՄՆ-ի, այլև համաշխարհային ֆուտբոլի գլխավոր չափանիշներից մեկը։
Կազեմիրոն ժամանակակից ֆուտբոլի ամենատիտղոսակիր հենակետային կիսապաշտպաններից է․
Այժմ 34-ամյա բրազիլացի աստղը միանում է «Ինտեր Մայամիին», որտեղ 2023 թվականից հանդես է գալիս Լիոնել Մեսսին։
