🎥 Շոկ Սթեմֆորդ Բրիջում․ Չելսին պարտվեց տանը

Անգլիական Պրեմիեր լիգայի 2025/2026 մրցաշրջանի 35-րդ տուրն իսկական մղձավանջ դարձավ Լոնդոնի «Չելսիի» համար։ Հարազատ մարզադաշտում լոնդոնցիներն անսպասելի և ցավալի պարտություն կրեցին «Նոթինգհեմ Ֆորեսթից»՝ 1:3 հաշվով։

Գլխավոր մրցավար Էնթոնի Թեյլորի սուլիչի ներքո ծավալվեց իրադարձություններով հարուստ իսկական ֆուտբոլային դրամա։
​Հանդիպումն արդեն իսկ սկսվեց հյուրերի բուռն գրոհներով, և ընդամենը երկրորդ րոպեին Թայվո Ավոնիին բացեց խաղի հաշիվը՝ սառը ցնցուղ դառնալով տանտերերի համար։

Տասնհինգերորդ րոպեին իրավիճակն ավելի բարդացավ «Չելսիի» համար, երբ Իգոր Ժեզուսը հստակ իրացրեց նշանակված 11-մետրանոցը՝ կրկնապատկելով հյուրերի առավելությունը։ Առաջին խաղակեսի ավելացված ժամանակի տասներորդ րոպեին լոնդոնյան ակումբը կարող էր բեկել խաղի ընթացքը, սակայն Քոուլ Պալմերը չկարողացավ անվրեպ իրացնել 11-մետրանոց հարվածը՝ հօդս ցնդեցնելով փրկության հույսերը։

​Երկրորդ խաղակեսում հյուրերը շարունակեցին իրենց վստահ ելույթը, և հիսուներկուերորդ րոպեին Ավոնիին դուբլ ձևակերպեց՝ հաշիվը դարձնելով ջախջախիչ։

Յոթանասուներեքերորդ րոպեին արթնացավ ինտրիգի նշույլ, երբ «Չելսիի» հարձակվող Ժոաո Պեդրոն գրավեց դարպասը, սակայն գոլը ցավալիորեն չեղարկվեց VAR համակարգի միջամտությունից հետո։ Այնուամենայնիվ, Պեդրոյին հաջողվեց խփել հեղինակության գնդակը բուն խաղավարտին՝ ավելացված երրորդ րոպեին, որով էլ ձևակերպվեց հանդիպման վերջնահաշիվը։

​Այս աղետալի սայթաքումից հետո «Չելսին» իր դիրքերը զիջեց՝ նահանջելով ԱՊԼ-ի մրցաշարային աղյուսակի 9 հորիզոնական, ունենալով իր ակտիվում 48 միավոր։

«Նոթինգհեմ Ֆորեսթը» կենսական նշանակության հաղթանակ տարավ՝ 42 միավորով ամրապնդվելով 16 տեղում և շարունակելով համառ պայքարը անգլիական էլիտայում իր տեղը պահպանելու համար։

Տեսանյութ` ԱՅՍՏԵՂ

Մրցաշարային աղյուսակն այս պահին