Մադրիդի «Ռեալի» և Վինիսիուս Ժունիորի միջև ընթացող բանակցություններում լուրջ բեկում է գրանցվել։ Կողմերն ակտիվորեն քննարկում են գործող պայմանագրի երկարաձգման հարցը, որի ժամկետն ավարտվում է 2027 թվականի ամռանը։
25-ամյա բրազիլացի աստղը վերջնական որոշում է կայացրել մնալ «արքայական» ակումբում՝ տալով իր սկզբունքային համաձայնությունը նոր պայմանագրի կնքման համար։ Գործարքը պաշտոնական տեսք կստանա և կհրապարակվի այն ժամանակ, երբ կողմերը կհարթեն համաձայնագրի վերջին մանրամասները։
Հիշեցնենք, որ բրազիլացի հարձակվողը մադրիդյան գրանդի կազմում հանդես է գալիս 2018 թվականի ամառվանից։ Ընթացիկ մրցաշրջանում Վինիսիուսն անցկացրել է 48 հանդիպում՝ դառնալով 18 գոլի և 14 արդյունավետ փոխանցման հեղինակ։ Ներկայումս ֆուտբոլիստի տրանսֆերային արժեքը գնահատվում է 150 միլիոն եվրո։
