24-ամյա դարպասապահ Թեդ Սմիթը, ով խաղացել է Անգլիայի տարբեր տարիքային երիտասարդական հավաքականների կազմում, նշել է, որ նա ավարտել է իր խաղային կարիերան: 2013 թվականից մինչև 2019-ի ամառ նա եղել է «Սաութհենդ Յունայթեդի» (երրորդ դիվիզիոն) ակումբի դարպասապահը: Թիմում նրա թիմակիցներն էին Դելե Ալին և Ռուբեն Լոֆթուս-Չիկը:
Անցած ամառ Սմիթը հետաքրքել էր «Տոտենհեմին», բայց պայմանագիր չի ստորագրվել: Սմիթի խոսքով ՝ նա հոգեբանական խնդիրներ է ունենում երկրպագուների ճնշման պատճառով:
«Սա իմը չէ: Ես դա չեմ վայելում: Ես սիրում եմ խաղալ և մարզվել, բայց երբ հանդիպումների ժամանակ ճնշում է գործադրվում, դա ինձ համար չափազանց շատ է: Խաղերից հետո ես մտնում եմ սոցիալական ցանցեր և կարդում այն, ինչ մարդիկ են գրում: 90% դեպքերում ոչինչ չկր, բայց եթե վատ խաղից հետո քննադատական 2-3 մեկնաբանություններ եմ տեսնում, ես դա մտապահում եմ ամբողջ շաբաթ գլխումս: Լավ կետերի մասին մտածելու փոխարեն ՝ բացասականն է գալիս ինձ մոտ:
Ինչ-որ առումով սոցիալական ցանցերը լավն են: Երկրպագուները պարզապես քննարկում են անցած հանդիպումները, նրանք դրա իրավունք ունեն: Բայց ես ջնջեցի իմ թվիթերն ու Instagram-ը: Ես հասկացա, որ շատ ժամանակ եմ ծախսում այնպիսի իրերի վրա, որոնց վրա կարիք չկա ժամանակ ծախսելու:
Ես իսկապես ուզում էի սովորել, թե ինչպես զվարճանալ խաղադաշտում: Ես ամեն ինչ փորձեցի: Բայց այս վախը կուտակվում է երկար ժամանակ: Ես պարզապես չեմ կարող այն հաղթահարել:
Դուք մտածում եք, որ ես լքում եք այն աշխատանքը, որի մասին երազում են բոլոր մարդիկ: Սա երևի թե դժվար է: Երբ մեծանում եք, մի փոքր այլ կերպ եք նայում ամեն ինչի: Պետք է բավականաչափ համարձակ լինեք՝ հասկանալու համար, որ ինչ-որ բան ձեզ համար ճիշտ չէ: Սա վերաբերում է նաև այն մարդկանց, ովքեր չեն զբաղվում ֆուտբոլով, բայց գնում են չսիրված գործի և ուզում են ինչ-որ այլ բան անել: Իմ պատմությունը կարող է օգնել նրանց որոշում կայացնել», — մեջբերում է Սմիթին Telegraph-ը։
