Զիդանը վերադառնում է․ պայմանավորվածությունն արդեն ձեռք է բերվել

Զինեդին Զիդանը կփոխարինի Դիդիե Դեշամին Ֆրանսիայի ազգային հավաքականի գլխավոր մարզչի պաշտոնում։

Ինչպես հայտնում է հայտնի ինսայդեր Ֆաբրիցիո Ռոմանոն, 53-ամյա մասնագետն արդեն բանավոր համաձայնության է եկել Ֆրանսիայի ֆուտբոլի ֆեդերացիայի հետ։ Սպասվում է, որ Մադրիդի «Ռեալի» նախկին մարզիչը «եռագույնների» ղեկը կստանձնի անմիջապես առաջիկա աշխարհի առաջնության ավարտից հետո։ Այս նշանակմամբ Զիդանը կվերադառնա մարզչական ակտիվ գործունեության՝ հնգամյա դադարից հետո։

Հիշեցնենք, որ Դիդիե Դեշամը Ֆրանսիայի ազգային ընտրանին անընդմեջ գլխավորում է 2012 թվականի ամռանից։ 2026 թվականի Մունդիալում, որը կանցկացվի հունիսի 11-ից հուլիսի 19-ը, ֆրանսիացիների մրցակիցները խմբային փուլում կլինեն Սենեգալի և Նորվեգիայի հավաքականները։ Խմբի երրորդ մրցակցի անունը հայտնի կդառնա անցումային խաղերի արդյունքներով։