Պորտուգալիայի ազգային հավաքականի գլխավոր մարզիչ Ռոբերտո Մարտինեսը հայտարարել է, որ պատրաստ է թիմի ավագ Կրիշտիանու Ռոնալդուին դուրս թողնել մեկնարկային կազմից, եթե դա մարտավարական նկատառումներով անհրաժեշտ լինի հավաքականին։
Մասնագետը ընդգծել է, որ իր գերխնդիրը թիմային հաջողությունն է։
«Դա իմ աշխատանքի անբաժանելի մասն է։ Ես զբաղեցնում եմ այս պաշտոնն արդեն երեք տարի։ Առաջնայինը թիմի հաղթանակն է և մրցակցի նկատմամբ առավելության հասնելը։ Դա իմ և մարզչական շտաբի պատասխանատվությունն է։ Բարդ որոշումներ կայացնելը մեր մասնագիտական պարտականությունն է», — ESPN-ին տված հարցազրույցում նշել է Մարտինեսը։
Հիշեցնենք, որ Կրիշտիանու Ռոնալդուն Պորտուգալիայի ազգային հավաքականի կազմում գրանցել է ռեկորդային ցուցանիշներ։ Անցկացրած 226 հանդիպումներում աստղային հարձակվողը դարձել է 143 գոլի և 46 գոլային փոխանցման հեղինակ։
