«Մանչեսթեր Յունայթեդի» և Անգլիայի հավաքականի նախկին կիսապաշտպան Փոլ Սքոուլզը նշել է, թե ով է եղել ամենավատ ֆուտբոլիստը, որի հետ երբևէ խաղացել է նույն թիմում։
«Երբ պետք էր փոխարինել Պիտեր Շմեյխելին, մենք մի քանի թեկնածու ունեինք։ Կային Մասիմո Թաիբին, Մարկ Բոսնիչը։ Ես նրան լավ դարպասապահ էի համարում, երբ Մարկը հանդես էր գալիս «Ասթոն Վիլայում»։ Նա եկավ մեզ մոտ, և պարզվեց, որ չափազանց ոչ պրոֆեսիոնալ է։ Անկեղծ ասած՝ դա ծիծաղելի էր։
Գնդակը խաղի մեջ մտցնելու հարվածների մարզման ժամանակ դարպասապահները սովորաբար կատարում են 15–20 հարված։ Երեք հարվածից հետո նա արդեն ուժասպառ էր․ «Օ՜, ոչ, տվեք այն ուրիշին»։
Ես չգիտեի, որ նա չի կարողանում հարվածել գնդակին։ Երբեք նման բան չէի տեսել։ Մրցաշրջանի առաջին տուրում մենք արտագնա խաղ էինք անցկացնում «Էվերտոնի» դեմ, և նա չէր կարողանում գնդակը նույնիսկ մինչև դաշտի կենտրոն հասցնել։ Քամի չկար, օրը կատարյալ էր։
Բայց եթե նայեք նրա ոտքերին՝ 44 չափս, անկեղծ ասած՝ նա պարզապես անընդհատ գետնին էր հարվածում։ Դա մեծ հիասթափություն էր»,– Սքոուլզի խոսքերն է մեջբերում Goal.com-ը։
Փոլ Սքոուլզը կարիերան ավարտել է 2013 թվականին՝ իր կյանքի միակ ակումբում՝ «Մանչեսթեր Յունայթեդում»։
