Նոր տեղեկություններ են հայտնի դարձել Մադրիդի «Ռեալի» ֆրանսիացի հարձակվող Կիլիան Մբապեի վնասվածքի վերաբերյալ։
Լրագրող Էդու Ագիրեի տեղեկություններով՝ Մբապեն կմասնակցի Իսպանիայի առաջնության 9-րդ տուրի՝ «Խետաֆեի» դեմ հանդիպմանը։ Աղբյուրի հաղորդմամբ՝ ֆուտբոլիստը կվերադառնա մարզումներին հինգշաբթի՝ հոկտեմբերի 16-ին։
Հիշեցնենք, որ 26-ամյա խաղացողը կոճի վնասվածք էր ստացել Լա Լիգայի 8-րդ տուրի՝ «Վիլյառեալի» դեմ խաղում (3:1), որը կրկնվել էր ԱԱ-2026-ի եվրոպական գոտու որակավորման փուլի երրորդ տուրի՝ Ադրբեջանի դեմ հանդիպման վերջնամասում (3:0)։
Ընթացիկ մրցաշրջանում Մբապեն մադրիդյան գրանդի կազմում մասնակցել է 10 հանդիպման՝ դառնալով 14 գոլի և 2 գոլային փոխանցման հեղինակ։
