«Ռեալի» հարձակվող Կիլիան Մբապեի մայրը՝ Ֆայզա Լամարին, հիշել է, թե ինչպես է որդու հետ զրուցել բռնաբարության մեղադրանքի շուրջ։
«Ես վստահում էի Կիլիանին, բայց հարցրի նրան․ «Դու իսկապե՞ս արել ես դա»։ Նա պատասխանեց․ «Կարո՞ղ ես ավարտել նման ֆանտազիաները»։ Դա միակ ուղևորությունն էր, որը մենք չէինք կազմակերպել… Մենք թանկ վճարեցինք դրա համար»,— Ֆայզա Լամարիի խոսքերը մեջբերում է beIN Sports-ը։
2024 թվականի հոկտեմբերին Կիլիանը հանգստանում էր Ստոկհոլմում։ Ֆուտբոլիստին նկատել էին ռեստորանում, ինչպես նաև գիշերային ակումբում։ Շուտով հետաքննություն էր սկսվել այն բռնաբարության բողոքի վերաբերյալ, որը տեղի էր ունեցել այն հյուրանոցում, որտեղ գիշերել էր աստղային հարձակվողը։
Բռնաբարված աղջիկը հենց Կիլիան Մբապեին էր մեղադրել հանցագործության մեջ, սակայն դեկտեմբերին Շվեդիայի դատախազությունը փակել էր գործը՝ ապացույցների բացակայության պատճառով։
Հիշեցնենք, որ Ֆրանսիայի հավաքականի կազմում Մբապեն նվաճել է Աշխարհի առաջնության ոսկին (2018) և արծաթը (2022), հաղթել է Ազգերի լիգայում (2021), բավարարվել է բրոնզե մեդալով Եվրոպայի 2024 թվականի առաջնությունում։
