Մադրիդի «Ռեալի» գլխավոր մարզիչ Խաբի Ալոնսոն թիմի համար նոր աստղ է ընտրել։ Այս մասին հայտնում է Fichajes-ը։
Աղբյուրի համաձայն՝ Ալոնսոն Մադրիդյան գրանդում ցանկանում է տեսնել Մյունխենի «Բավարիայի» ֆրանսիացի հարձակողական ոճի կիսապաշտպան Մայքլ Օլիսեին։ Նշվում է, որ մարզիչը կարծում է՝ Օլիսեն իդեալական կերպով կլրացնի հարձակողական առաջատար եռյակը՝ Վինիսիուսի և Մբապեի հետ միասին։
Այնուամենայնիվ, «Բավարիայի» հետ բանակցությունները բարդ կլինեն, քանի որ մյունխենյան ակումբը չի վաճառի խաղացողին 100 միլիոն եվրոյից պակաս գնով։ Նշվում է, որ եթե Օլիսեն պայմանագիր կնքի «Ռեալի» հետ, ապա Ռոդրիգոն և Բրահիմ Դիասը կարող են լքել «արքայական» ակումբը։
Ֆրանսիացու գործող պայմանագրի ժամկետը մյունխենյան ակումբի հետ նախատեսված է մինչև 2029 թվականի ամառը։
