Մադրիդի «Ռեալը» այս ամառ համագործակցում է ThermoHuman ընկերության համահիմնադիրներ Խավիեր Արնաիսի և Իսմայել Ֆերնանդեսի հետ՝ խաղացողների վնասվածքների կանխարգելման նպատակով նոր տեխնոլոգիա ներդնելու համար։
Մեթոդը հիմնված է ջերմագրության (թերմոգրաֆիայի) վրա։ Ֆուտբոլիստները կանգնում են հատուկ ջերմային տեսախցիկի առջև, և արհեստական բանականությունը վերլուծում է մարմնի տարբեր հատվածների ջերմաստիճանի տարբերությունները։ Ջերմային անհամաչափությունը կարող է վկայել գերծանրաբեռնվածության կամ հավասարակշռության խախտման մասին, ինչը թույլ է տալիս ժամանակին կանխել վնասվածքները։
«Սա հրաշք չէ, սակայն տրամադրում է շատ ճշգրիտ ցուցանիշներ։ Նախկինում տվյալները մուտքագրում էինք ձեռքով, իսկ այժմ դրանք մշակվում են ակնթարթորեն՝ տրամադրելով համապատասխան խորհուրդներ», – նշել է թիմի ֆիզպատրաստության մարզիչ Յուրի Անեկիարիկոն։
ThermoHuman-ը հիմնադրվել է 2015 թվականին և արդեն համագործակցել է «Բայերի», «Ասթոն Վիլայի» և «Նիցայի» հետ։
