«Բարսելոնան» իր պաշտոնական կայքում հայտարարել է, որ թիմի գերմանացի դարպասապահ Մարկ-Անդրե տեր Շտեգենը ստորագրել է անհրաժեշտ փաստաթղթերը՝ դրանք Լա Լիգայի բժշկական կոմիտե ուղարկելու համար։
«Ակումբը հայտարարում է, որ Մարկ-Անդրե տեր Շտեգենը ստորագրել է անհրաժեշտ ազատման փաստաթուղթը, որպեսզի ակումբը կարողանա Լա Լիգա ուղարկել իր վիրահատության վերաբերյալ բժշկական եզրակացությունը։ Կարգապահական գործը փակվել է, և խաղացողը անմիջապես վերականգնվել է որպես հիմնական թիմի ավագ»,- ասվում է կատալոնական ակումբի հայտարարության մեջ։
Ավելի վաղ լրատվամիջոցները հայտնել էին, որ 33-ամյա դարպասապահը հրաժարվել էր ստորագրել բժշկական եզրակացությունը՝ մեջքի ստորին հատվածի վիրահատությունից հետո վերականգնման ժամկետների վերաբերյալ «Բարսելոնայի» հետ ունեցած տարաձայնությունների պատճառով։ Կարծիք կար նաև, որ գերմանացի ֆուտբոլիստը ցանկանում էր խանգարել «կապտանռնագույնների» նոր դարպասապահ Ժոան Գարսիայի գրանցմանը։
