«Բարսելոնայի» նախագահ Ժոան Լապորտան հայտարարել է, որ կատալոնական ակումբի մարզչական շտաբը գոհ է ընթացիկ կազմից, և առաջիկա ամիսներին նոր տրանսֆերներ չեն նախատեսվում։
Չորեքշաբթի օրը «Բարսելոնան» հայտարարեց Մարկուս Ռեշֆորդի տրանսֆերի մասին: 27-ամյա խաղացողը վարձավճարով միացել է թիմին «Մանչեսթեր Յունայթեդից»: Վարձակալության պայմանագիրը, որը ներառում է գնման իրավունք, գործում է մինչև 2025/26 մրցաշրջանի ավարտը:
– Կարծում եմ՝ այս ամառ նոր տրանսֆերներ չեն լինի: Մենք ունենք ուժեղ կազմ, և մարզիչը ցանկանում է հիմնական թիմն ամրապնդել պահեստային խաղացողներով: Այս պահին նոր գործարքներ չենք նախատեսում, – Լապորտայի խոսքերը մեջբերում է Mundo Deportivo-ն:
Ռեշֆորդից բացի, այս ամառ «Բարսելոնային» են միացել 24-ամյա իսպանացի դարպասապահ Ժոան Գարսիան և 19-ամյա շվեդ հարձակվող Ռունի Բարդաղջին:
