«Բարսելոնայի» և Գերմանիայի հավաքականի դարպասապահ Մարկ-Անդրե Տեր Շտեգենը հայտարարել է, որ կրկին վիրահատություն է տանելու մեջքի խնդիրների պատճառով և բացակայելու է մոտ երեք ամիս։
33-ամյա ֆուտբոլիստը 2023 թվականին արդեն վիրահատվել էր մեջքի ստորին հատվածի խնդիրների պատճառով։ Նախորդ տարի նա վիրահատություն էր տարել նաև ծնկի կապանների վնասվածքի պատճառով, ինչի հետևանքով գրեթե ամբողջությամբ բաց էր թողել 2024/25 մրցաշրջանը։
«Բարսելոնայի» բժշկական թիմի և այլ մասնագետների հետ քննարկումներից հետո որոշվեց, որ լիարժեք ապաքինման համար ամենաանվտանգ տարբերակը մեջքի վիրահատությունն է։ Վերջին վիրահատությունից հետո ես դաշտ վերադարձա 66 օր անց՝ մոտ երկու ամսում։ Այս անգամ բժիշկները կարծում են, որ զգուշավորության նպատակով անհրաժեշտ է մոտ երեք ամիս՝ ռիսկերից խուսափելու համար, — գրել է Տեր Շտեգենը X սոցիալական ցանցում։
Իսպանիայի նախորդ առաջնությունում Տեր Շտեգենը մասնակցել է ութ խաղի։
