ԱՄՆ նախագահ Դոնալդ Թրամփը Սպիտակ տան Օվալաձև սրահում ընդունել է իտալական «Յուվենտուս» ֆուտբոլային ակումբի խաղացողներին և ղեկավարությանը։
Աշխարհի ակումբային առաջնության շրջանակում ԱՄՆ-ում գտնվող թուրինյան ակումբը հատուկ այց է կատարել Սպիտակ տուն՝ ՖԻՖԱ-ի նախագահ Ջաննի Ինֆանտինոյի ուղեկցությամբ։
Չնայած այցը նախապես ներառված չէր Սպիտակ տան պաշտոնական օրակարգում, նախագահական լրագրողների խումբը հրավիրվել է վերջին պահին։ Հանդիպման ընթացքում Թրամփը ջերմ ձեռքսեղմումներ է փոխանակել թիմի գլխավոր մարզիչ Իգոր Տուդորի, ինչպես նաև ֆուտբոլիստներ Ուեսթոն Մակքենիի և Տյոն Կոպմեյներսի հետ։
Ավելի վաղ «Յուվենտուսի» ներկայացուցիչներն այցելել էին ԱՄՆ-ում Իտալիայի դեսպանատուն։
«Յուվենտուսը» մասնակցում է 2025 թվականի ՖԻՖԱ-ի Աշխարհի ակումբային առաջնությանը, որն անցկացվում է ԱՄՆ-ում՝ հունիսի 15-ից մինչև հուլիսի 13-ը։ Մրցաշարում հանդես են գալիս 32 ակումբներ՝ բաժանված 8 խմբի։ Յուրաքանչյուր խմբից փլեյ-օֆֆ փուլ են անցնում առաջին երկու տեղերը զբաղեցրած թիմերը։
