«Լացիոյի» գլխավոր մարզիչ Մաուրիցիո Սարին մեկնաբանել է Ջենարո Գատուզոյի՝ Իտալիայի հավաքականի գլխավոր մարզիչ նշանակվելը և խոսել է ազգային հավաքականի խնդիրների մասին։
«Ակնհայտ է, որ հակասություններ կան իտալական ֆուտբոլի արժեքի և ազգային հավաքականի ելույթների միջև, քանի որ երկու տարի առաջ մենք ՈՒԵՖԱ-ի վարկանիշային աղյուսակում երկրորդ տեղում էինք, իսկ այս տարի՝ երրորդում, և այնուամենայնիվ, մենք անհավանական խնդիրներ ունենք ազգային հավաքականի հետ։ Ինչ-որ բան այն չէ, ակումբային կազմերի արժեքի և Իտալիայի արդյունքների միջև կա անջրպետ, նույնիսկ եթե դա տեղի է ունենում այլուր։
Ես շատ եմ սիրում Գատուզոյին և կարող եմ նրան միայն մեկ խորհուրդ տալ. Գատուզոն պետք է մնա Գատուզո, նույնիսկ որպես ազգային հավաքականի մարզիչ՝ իր դավանած ֆուտբոլի հարցում առանց որևէ զիջման գնալու», — Սարիի խոսքերն է մեջբերում Tuttomercatoweb-ը։
Իր կարիերայի ընթացքում Գատուզոն գլխավորել է «Մարսելը», «Վալենսիան», «Նապոլին», «Միլանը» և այլ թիմեր։ 2026 թվականի աշխարհի առաջնության որակավորման խմբային փուլի երկու տուրից հետո Իտալիայի հավաքականն ունի երեք միավոր և գտնվում է երրորդ տեղում։ Հիշեցնենք, որ Լուչիանո Սպալետին հունիսի սկզբին լքել է իտալական թիմի գլխավոր մարզչի պաշտոնը։
