«Ռեալ Մադրիդի» նոր գլխավոր մարզիչ Խաբի Ալոնսոն խոսել է ակումբի ղեկավարության հետ իր շփումների մասին՝ կապված առաջիկա ամառային տրանսֆերների հետ։
«Նոր ձեռքբերումնե՞ր։ Մեր պարտականությունն է միշտ ձգտել կատարելագործվել բոլոր ասպեկտներում՝ թիմի կազմավորման առումով… Վերջերս ես փորձում եմ ակումբի հետ կապ և տեսլական հաստատել՝ համաձայնության գալու համար։
Ես ոչ թե պահանջներով եմ եկել, այլ ուզում եմ թիմային աշխատանք կատարել՝ կատարելագործվելու համար։
Ռոդրիգո՞ն․․․ Նա «Ռեալ Մադրիդի» ֆուտբոլիստ է։ Նա ֆանտաստիկ ֆուտբոլիստ է, և մենք նրա կարիքը կունենանք», — ասել է Ալոնսոն լրագրողներին։
«Ինչո՞ւ ես եկա ակումբային Աշխարհի առաջնությունից առաջ։ Հանգամանքները հարմար էին։ Ես սա համարում եմ կրկնակի հնարավորություն։ Մի կողմից՝ առաջ շարժվել, մյուս կողմից՝ պայքարել ևս մեկ տիտղոսի համար։ Սա մեր առաջին Ակումբային աշխարհի առաջնությունն է, և մեր նպատակը հստակ է», — Ալոնսոյի խոսքերն է մեջբերում «Madrid Universal»-ը։
