Հայտնի են դարձել «Նապոլիի» գլխավոր մարզիչ Անտոնիո Կոնտեի պահանջներն ակումբի հետ համագործակցությունը շարունակելու վերաբերյալ։
Իտալական Il Mattino թերթի տվյալներով՝ Կոնտեն ակումբի ղեկավարությունից պահանջել է 200 միլիոն եվրո տրանսֆերների համար, որոնք նախատեսվում է ծախսել 8-9 նոր ֆուտբոլիստների տրանսֆերների վրա։
Բացի այդ, մարզիչը ցանկանում է հասնել ֆուտբոլիստներիաշխատավարձերի ընդհանուր բյուջեի բարձրացմանը՝ 80-ից հասցնելով 110 միլիոն եվրոյի։
Աղբյուրի փոխանցմամբ՝ Մասիմիլիանո Ալեգրին և Մարկո Բարոնին «Նապոլիի» կարճ ցուցակում են այն դեպքում, եթե Կոնտեն հեռանա։ 37 տուրից հետո «Նապոլին» 79 միավորով գլխավորում է Սերիա Ա-ի մրցաշարային աղյուսակը։ «Ինտերի» հետ տարբերությունը ընդամենը մեկ միավոր է վերջին տուրից առաջ։
