Մադրիդի «Ռեալը», չնայած ընթացիկ մրցաշրջանում առանց տիտղոսների մնալուն, պատրաստվում է Աշխարհի ակումբային առաջնությանը, որին կհաջորդի նոր մրցաշրջանի մեկնարկը։ Սակայն թիմը բախվել է տհաճ լուրերի։
Ըստ The Athletic-ի՝ Ջուդ Բելինգհեմը Աշխարհի ակումբային առաջնությունից հետո կենթարկվի ուսի վիրահատության, ինչը նրան դուրս կթողնի խաղադաշտից մոտ երեք ամսով։ Այսպիսով, անգլիացի կիսապաշտպանը չի կարողանա մասնակցել նոր մրցաշրջանի առաջին խաղերին։
Մինչդեռ «Ռեալը» ուշադրություն է դարձրել Բելինգհեմի կրտսեր եղբորը՝ Ջոբ Բելինգհեմին։ 19-ամյա խաղացողը տպավորում է իր առաջընթացով և կարող է հանդես գալ նաև կենտրոնական հարձակվողի դիրքում։
Հավելենք, որ «Չելսին» հետաքրքրություն է ցուցաբերում «Ռեալի» բրազիլացի հարձակվող Ռոդրիգոյի նկատմամբ՝ մրցակցելով «Արսենալի» հետ, որը նույնպես ցանկանում է ձեռք բերել նրան։
