«Մանչեսթեր Յունայթեդի» նախկին պաշտպան Պատրիս Էվրան տեսաուղերձ է ձայնագրել ակումբի խաղացողների համար ՈՒԵՖԱ-ի Եվրոպա լիգայի եզրափակչից առաջ, որը կկայանա մայիսի 21-ին Բիլբաոյում։ Մանկունիացիները Բիլբաոյում կմրցեն «Տոտենհեմի» դեմ։
«Բարև բոլորին։ Ես պետք է գայի Բիլբաո և աջակցություն ցուցաբերեի, կիսեի դրական էներգիան։ Բայց, ցավոք, եզրափակչի օրը պետք է գնամ Փարիզ՝ քրոջս հուղարկավորությանը մասնակցելու։ Նա 56 տարեկան էր և 20 տարի պայքարում էր քաղցկեղի դեմ։
Եվ այն, ինչ ես վաղը ուզում եմ ձեզանից՝ պարզապես կռվեք։ Արյուն թափեք այս մարզաշապիկի համար, երկրպագուների համար, անձնակազմի համար, Մանչեսթերի մարդկանց համար, ամբողջ աշխարհի երկրպագուների համար։ Արդարացումներ չկան։ Սա ձեր պարտքն է վաղը։ Ես անհանգստանում եմ ձեր մարզիչ Ամորիմի համար, ում ես աջակցում և հավատում եմ՝ անկախ նրանից, թե դուք կհաղթեք, թե կպարտվեք։
Ամբողջությամբ նվիրվեք եզրափակչին, տղերք։ Սա կլինի բարձրագույն մակարդակի մենամարտ։ «Տոտենհեմը» նույնպես կորցնելու բան ունի։ Նրանք Պրեմիեր լիգայի աղյուսակում ձեր կողքին են և որևէ տիտղոս չեն նվաճել։ Սա նրանց համար մեծ հնարավորություն է։ Բայց արդարացումներ չկան, մենք «Մանչեսթեր Յունայթեդն» ենք։ Քանի՞ երկրպագու եք ճանաչում, ովքեր ճանապարհորդում են աշխարհով մեկ և հավատում, գիտեն, որ խաղից հետո կտոնեն։ Որովհետև նրանք հավատում են ձեզ, տղերք։ Անկախ ամեն ինչից։
Որովհետև մենք կարող ենք դա անել, մենք կարող ենք դա անել, տղերք։ Ինչպես ասացի՝ արյուն թափեք այս վերնաշապիկի, այս պատմության համար։ Մտածեք մարդկանց, ձեր ընտանիքների մասին, ինչի մասին, որ կուզեք։ Հաղթանակից բացի այլ ճանապարհ չկա։ Մի՛ մտածեք ձեր մասին։ Սա Չեմպիոնների լիգայի ընտրական փուլն է։ Այսպիսով, մենք նույնիսկ ապագա ենք ստեղծում հաջորդ տարվա համար։ Ուրեմն, տղերք, իմացեք, որ ես բացակայելու եմ, բայց ես հույսս դնում եմ ձեզ վրա։ Առաջ «Յունայթեդ»», — ասել Էվրան տեսաուղերձում։
