ՖԻՖԱ-ի նախագահ Ջանի Ինֆանտինոն մեկնաբանել է 2030 թվականի Աշխարհի առաջնությանը 64 թիմի հնարավոր մասնակցության գաղափարը։
Ավելի վաղ Հարավամերիկյան կոնֆեդերացիայի՝ CONMEBOL-ի նախագահ Ալեխանդրո Դոմինգեսը ՖԻՖԱ-ի 75-րդ կոնգրեսում առաջարկել էր 2030 թվականի Աշխարհի առաջնության եզրափակիչ փուլը ընդլայնել մինչև 64 թիմ։
«100-ամյակի տոնակատարությունը յուրահատուկ կլինի։ Եվ ես ուզում եմ ընդգծել այն, ինչ Ալեխանդրոն ասաց այս ելույթում։ Նա մեզ բոլորիս կոչ արեց մտածել այն մասին, թե ինչպես կարող ենք իսկապես նշել այն այնպես, ինչպես այն արժանի է նշվել։ Այսպիսով, յուրաքանչյուր միտք լավն է», — Ինֆանտինոյի խոսքերն է մեջբերում ESPN-ը։
2030 թվականի Աշխարհի առաջնությունը կանցկացվի Մարոկկոյում, Պորտուգալիայում և Իսպանիայում։ Եվս երեք հանդիպում կկայանա Հարավային Ամերիկայում՝ Ուրուգվայում, Պարագվայում և Արգենտինայում։ Այսպիսով, առաջին անգամ մրցաշարը կանցկացվի տարբեր մայրցամաքներում։
