«Բարսելոնայի» հարձակվող Ռաֆինյան հայտարարել է, որ Չավիի կողմից վստահություն չի զգացել։ Չավին «Բարսելոնան» գլխավորել է 2021-ից մինչև 2024 թվականը, իսկ Ռաֆինյան թիմին միացել է 2022-ի ամռանը։
«Ես զգում էի, որ Չավին և նրա մարզչական շտաբն ինձ լիովին չեն վստահում։ Ես ամբողջ ուժով խաղում էի 60 րոպե, բայց նա միևնույն է փոխարինում էր ինձ։ Փորձում էի փոխել իրավիճակը, բազմիցս խոսել եմ նրա հետ, սակայն ոչինչ չէր փոխվում։ Նա ուներ իր տեսլականը։
Կա խորհրդանշական տեսանյութ, որտեղ նստարանին մոտենալիս, չդիմանալով, հարվածում եմ նստատեղին։ Կարծում եմ՝ դա «Մանչեսթեր Յունայթեդի» դեմ խաղն էր, որտեղ հիանալի խաղացի, գոլ խփեցի և գոլային փոխանցում կատարեցի։ Հաշիվը, կարծեմ, 2։2 էր, և նա ինձ փոխարինեց»,- Mundo Deportivo-ին ասել է Ռաֆինյան։
Չավիի հեռանալուց հետո «Բարսելոնայի» գլխավոր մարզիչ է նշանակվել Հանսի Ֆլիկը։ Նրա ղեկավարությամբ թիմը Լա Լիգայի ընթացիկ մրցաշրջանում 34 խաղից հետո 79 միավորով գլխավորում է մրցաշարային աղյուսակը։
