Կատալոնական «Բարսելոնայի» գլխավոր մարզիչ Հանս-Դիտեր Ֆլիկը խուսափողական պատասխան է տվել կատալոնական ակումբի հետ պայմանագրի հնարավոր երկարաձգման վերաբերյալ հարցին։ Գերմանացի մասնագետի ներկայիս պայմանագիրը «կապտանռնագույնների» հետ նախատեսված է մինչև 2026 թվականի ամառը. նա թիմի ղեկը ստանձնել է 2024 թվականին։
«Կարծում եմ՝ հաջորդ մրցաշրջանում կմարզեմ «Բարսելոնան», պայմանագիրս ուժի մեջ է մինչև 2026 թվականը։ Ես արդեն ասել եմ, որ շատ ուրախ եմ այստեղ լինելու համար, որ դա ինձ դուր է գալիս, բայց հիմա նման խոսակցությունների ժամանակը չէ։ Պետք է կենտրոնանալ նպատակների, թիմի վրա։ Ամեն ինչ պտտվում է խաղացողների շուրջ, ովքեր վաղը (Չեմպիոնների լիգայի կիսաեզրափակչի՝ «Ինտերի» դեմ խաղում) պետք է իրենց ամբողջ ուժը ներդնեն հարյուր տոկոսով», — Ֆլիկի խոսքերն է մեջբերում Marca-ն։
Չեմպիոնների լիգայի կիսաեզրափակչի «Բարսելոնա»-«Ինտեր» առաջին խաղը կկայանա ապրիլի 30-ին և կմեկնարկի ժամը 23:00-ին։
