Արգենտինայում Լիոնել Մեսսիի ու տեղի ֆուտբոլի ֆեդերացիայի համաֆինանսավորմամբ բացված ֆուտբոլային ակադեմիայի տարածքն ամբողջությամբ վերածվել է հոսպիտալի:
Բուենոս Այրեսում գտնվող ֆուտբոլային բազայի տարածքում տեղակայված ֆուտզալի դահլիճում տեղադրվել են կորոնավիրուսով հիվանդների համար նախատեսված մահճակալներ և այլ անհրաժեշտ պարագաներ:
Նշենք, որ այս պահի դրությամբ Արգենտինայում գրանցվել է կորոնավիրուսով հիվանդության 2100 դեպք, մահացել է 96 մարդ:
