Դանիել Կարվախալը հայտարարել է, որ «Ռեալի» երկրպագու է դարձել գրեթե ծննդյան առաջին օրերից։
«Ես հայտնվեցի այստեղ 10 տարեկանում, բայց արդեն փոքրուց երկրպագում էի «Ռեալին»։
Երբ նայում եմ ակումբի մանկապատանեկան և երիտասարդական թիմերի խաղադաշտերի լուսանկարներին, անմիջապես հիշում եմ, թե ինչպես էի ես այնտեղ մարզվում և երազում անգամ ընդամենը առաջին թիմի հետ մարզվելու մասին։ Փառք Աստծո, իմ քրտնաջան աշխատանքի և մեծ համառության շնորհիվ այսօր կարող եմ ասել, որ ապրում եմ ակումբի պատմության ամենաոսկե ժամանակաշրջաններից մեկը, և այն դեռ շարունակվում է, քանի որ սա վերջը չէ։
Անիրականանալի երազանք է դառնալ «Ռեալի» լեգենդ։ Նպատակ ունենալ դառնալ ակումբի պատմության մեջ ամենաշատ տիտղոսներ նվաճած խաղացողը՝ անհավատալի բան է։ Ես երջանիկ քնում եմ ամեն գիշեր, երբ մտածում եմ այդ մասին։
Ես վեց անգամ հաղթել եմ Չեմպիոնների լիգան։ Ամեն անգամ եզրափակչից առաջ երազում ես գոլի մասին, և ես հենց հաղթական գոլն էի խփել, երբ վեցերորդ անգամ նվաճեցինք այդ գավաթը։ Դա անհավատալի զգացում էր, ես ապրեցի աննկարագրելի հպարտություն։
Մարդիկ ինձ կհիշեն այն գոլով, որ խփեցի «Ուեմբլիում» [«Բորուսիային» ՉԼ-2024-ի եզրափակչում], քանի որ դա պատմական մրցաշրջան էր։ Մուտք գործել ֆուտբոլի պատմություն՝ վեց հաղթանակով Չեմպիոնների լիգայում և դա անել ևս հինգ թիմակիցներիս հետ՝ իսկական ֆանտաստիկա է։
«Մադրիդը» շարունակում է հաղթել, «Ռեալը» եղել է, կա և կլինի, և դա ամենից բարձրն է։ Ահա թե ինչու է կարևոր լինել այս նավում, ընդունել ակումբի արժեքներն ու հասկանալ այն էությունը, թե ինչ է նշանակում այս ակումբը», — ասել է «Ռեալի» պաշտպան Կարվախալը։
