Մադրիդի «Ռեալի» ակումբային հեռուստատեսությունը քննադատել է Ջուդ Բելինգհեմի հեռացումը «Օսասունայի» դեմ խաղում։
«Օսասունա» — «Ռեալ Մադրիդ» հանդիպման (1:1) առաջին խաղակեսում հանդիպման գլխավոր մրցավար Խոսե Մունուերա Մոնտերոն զրույցի համար խաղադաշտից հեռացրեց Բելինգհեմին։ Զեկույցում մրցավարը գրել է, որ մադրիդցիների կիսապաշտպանն իրեն ասել է «գնա f### (գրողի ծոցը)։
«Սա այն սխալներից մեկն էր, որն ամենամեծ ազդեցությունն ունեցավ հանդիպման ընթացքի վրա։ Մունուերա Մոնտերոն սխալ է թույլ տվել՝ հեռացնելով անգլիացի խաղացողին չնչին պատճառով՝ լսելով մի քանի բառ, որոնք Բելինգհեմը չի արտասանել։ Անգլիացու ասածը չի համապատասխանում մրցավարի՝ զեկույցում գրածին։ Բելինգհեմը չի վիրավորել մրցավարական բրիգադին:
Այն բանից հետո, երբ «Ռեալը» անարդարացիորեն մնաց տասը հոգով, անհեթեթ մրցավարությունը շարունակվեց»,- ասել է Մադրիդի «Ռեալի» հեռուստահաղորդավարը։
