«Մանչեսթեր Յունայթեդի» գլխավոր մարզիչ Ռուբեն Ամորիմը խոսել է «Տոտենհեմից» կրած պարտության մասն (0-1)․
«Ամբողջ տարբերությունն այն է, որ մրցակիցը գոլ խփեց, իսկ մենք՝ ոչ։ Մենք ունեցանք մեր պահերը։ Արագ գրոհներում պահեր ունեինք, փորձում էինք արդյունքի հասնել, բայց վերջում չկարողացանք գոլ խփել՝ ի տարբերություն մրցակցի։
Մենք ցանկանում ենք վերականգնել ֆուտբոլիստներին։ Կարծում եմ, որ ֆուտբոլիստներից մի քանիսը կվերադառնան հաջորդ խաղին: Մենք պետք է միասնական մնանք այս մրցաշրջանն ավարտելու և նորից սկսելու համար։
Սա աշխարհի ամենաբարդ մրցաշարն է։ Ես չեմ անհանգստանում։ Ես հասկանում եմ մեր երկրպագուներին, հասկանում եմ, թե մամուլն ինչ է մտածում այս ամենի մասին։ Ես ատում եմ պարտվելը, դա աշխարհի ամենավատ զգացումն է: Մնացածի մասին չեմ մտածում։ Ես այստեղ եմ, որպեսզի օգնեմ թիմին: Ես հասկանում եմ իմ վիճակը, իմ առաջադրանքը, վստահ եմ իմ աշխատանքին և ուզում եմ պարզապես հաղթել։ Ինձ մտահոգում է մրցաշարային աղյուսակում մեր տեղը (15-րդ), ոչ թե իմ վիճակը»,- ասել է Ամորիմը BBC-ին:
