Մադրիդի «Ռեալը» ՈՒԵՖԱ-ի Չեմպիոնների լիգայի փլեյ-օֆֆ փուլի արտագնա խաղում հաղթել է անգլիական «Մանչեսթեր Սիթիին»։ Խաղն ավարտվել է 3:2 հաշվով։ Այսպիսով, իր պատմության մեջ առաջին անգամ մադրիդյան ակումբը հիմնական ժամանակում հաղթել է «Մանչեսթեր Սիթիին» արտագնա խաղում։
Նշենք, որ «Էթիհադում» եվրագավաթային գլխավոր մրցաշարի անցած տարվա խաղարկության քառորդ եզրափակչում Արքայական ակումբը դարձյալ հաղթել էր «Քաղաքայիններին», սակայն Անչելոտիի թիմը դա արել էր հետխաղյա 11-մետրանոցներում (4:3): Հիմնական և լրացուցիչ ժամանակն ավարտվել էր 1:1 հաշվով։
ՈՒԵՖԱ-ի Չեմպիոնների լիգայի փլեյ-օֆֆի պատասխան հանդիպումը կկայանա փետրվարի 19-ին։ Սկիզբը՝ Երևանի ժամանակով 00:00-ին:
