Մադրիդի «Ատլետիկոյի» գլխավոր մարզիչ Դիեգո Սիմեոնեն ամփոփել է «Ռեալի» հետ հանդիպումը. Լա լիգայի 23-րդ տուրի մադրիդյան դերբին ավարտվեց ոչ-ոքի՝ 1-1 հաշվով։
«Առաջին խաղակեսը լավ անցկացրինք, բայց մրցակցի դարպասի մոտ ավելի լավ հանդես գալու համար սառնասրտություն չունեինք։ Երկրորդ խաղակեսը սկսվեց նրանց գոլով, դարպասաձողով և ավելի մեծ ինտենսիվությամբ:
Ջուլիանո Սիմեոնեն ուներ իր հնարավորությունները, Լյորենտեն՝ ևս, և հանդիպումն ավարտվեց ոչ-ոքի, չնայած երկու թիմերն էլ կարծում էին, որ կարող էին ավելի լավ հանդես գալ:
Ես կարծում էի, որ կան իրավիճակներ, երբ մենք կարող էինք ավելի լավ հանդես գալ, բայց չկարողացանք: Մենք այնպիսի զգացողություն ունեինք, որ կարող ենք ավելիին հասնել»,- մեջբերում է Սիմեոնեին Marca-ն։
