«Միլանի» խորհրդական Զլատան Իբրահիմովիչը քննարկել է «Մանչեսթեր Սիթիի» 34-ամյա աջ պաշտպան Քայլ Ուոքերի հնարավոր տեղափոխությունն իտալական ակումբ։ Այս մասին տեղեկացնում է լրագրող Լոիկ Տանզին։
Ըստ աղբյուրի՝ «ռոսոներիներին» անհրաժեշտ է տեղ ազատել թիմում օտարերկրյա խաղացողի համար, նախքան «Մանչեսթեր Սիթիին» ավելի կոնկրետ առաջ անելը։
Երեկ՝ հունվարի 11-ին, «Մանչեսթեր Սիթիի» գլխավոր մարզիչ Խոսեպ Գվարդիոլան հայտարարել էր, որ Ուոքերը խնդրել է ակումբին ուսումնասիրել իր տրանսֆերի վաճառքի տարբերակները։
Ուոքերն ընթացիկ մրցաշրջանում մասնակցել է 18 հանդիպման։ Նրա պայմանագրի ժամկետը «Մանչեսթեր Սիթիի» հետ նախատեսված է մինչև 2026 թվականի ամառ։
