Դեկտեմբերի 5-ին կայացել է Անգլիայի Պրեմիեր լիգայի 16-րդ տուրի «Մանչեսթեր Սիթի»-«Մանչեսթեր Յունայթեդ» հանդիպումը։ Խաղն ավարտվել է հյուրերի կամային հաղթանակով՝ 2։1 հաշվով։
Հանդիպումից առաջ «Մանչեսթեր Սիթիի» երկրպագուները որոշել են աջակցել իրենց թիմի գլխավոր մարզիչ Պեպ Գվարդիոլային՝ տրիբունայում տեղադրելով հսկայական պաստառ՝ «ավելի քան պարզապես մարզիչ» գրությամբ:
Հիշեցնենք, որ Գվարդիոլայի թիմը վերջին 11 հանդիպումներում ութ անգամ պարտվել է, երկու անգամ ոչ-ոքի է խաղացել և ընդամենը մեկ հաղթանակ է տարել։ Տարբեր լրատվամիջոցներ գրում էին, որ Գվարդիոլայի վիճակը վատանում է ակումբի խնդիրների ֆոնին:
Պեպ Գվարդիոլան «Մանչեսթեր Սիթիում» հանդես է գալիս 2016 թվականից։ Այդ ժամանակից ի վեր նրա գլխավորությամբ ակումբը նվաճել է մի շարք տիտղոսներ, այդ թվում՝ Պրեմիեր լիգայի վեց չեմպիոնություն և Չեմպիոնների լիգայի գավաթ:
