«Լիվերպուլը» ևս մեկ քայլ կատարեց դեպի չեմպիոնական տիտղոս՝ երեկ հաղթելով «Մանչեսթեր Սիթիին» (2-0):
«Կարմիրները» հաղթեցին Կոդի Գակպոյի և Մոհամեդ Սալահի գոլերի շնորհիվ: Արնե Սլոտի թիմն ամրապնդել է առաջատարի դիրքը աղյուսակում. «Մանչեսթեր Սիթիի» նկատմամբ առավելությունն այժմ 11 միավոր է, «Արսենալի» և «Չելսիի» նկատմամբ՝ 9։ Առջևում դեռ 25 տուր կա։
Opta սուպերհամակարգչի հաշվարկների համաձայն՝ ստեղծված իրավիճակում մերսիսայդյան թիմի չեմպիոնության հավանականությունը տպավորիչ է՝ 85,1%:
«Մանչեսթեր Սիթիի» հաղթանակի շանսերը գնահատվում են ընդամենը 4,4%։ Պեպ Գվարդիոլայի թիմին իսկական հրաշք կպահանջվի՝ 5-րդ անգամ անընդմեջ Պրեմիեր լիգան հաղթելու համար: Առաջատարի գլխավոր մրցակիցն այժմ համարվում է «Արսենալը»՝ 9,8%:
