Ֆրանկֆուրտի «Այնտրախտի» հարձակվող Օմար Մարմուշի ծառայություններով հետաքրքրված են եվրոպական թոփ ակումբները:
Եգիպտոսցին ֆենոմենալ մրցաշրջան է անցկացնում. Բունդեսլիգայի ինը խաղում նա խփել է տասը գոլ և կատարել 6 գոլային փոխանցում:
Ըստ ինսայդեր Ֆլորիան Պլետենբերգի, «Բավարիան» ուշադիր հետևում է Մարմուշի առաջընթացին և դիտարկում է հաջորդ ամառ նրա տրանսֆերը ձեռք բերելու հնարավորությունը: Մյունխենյան ակումբի մարզական տնօրեն Մաքս Էբերլը 25-ամյա ֆուտբոլիստի տաղանդի մեծ երկրպագուն է։ Դեռևս պայմանավորվածություններ չկան, սակայն նախնական ոչ պաշտոնական բանակցություններն արդեն ընթանում են։
Ֆուտբոլիստի ծառայություններով հետաքրքրված է նաև անգլիական «Լիվերպուլը», որը ևս պատրաստ է մասնակցել տրանսֆերային մրցավազքին։
«Այնտրախտն» իր առաջատարի տրանսֆերի համար պահանջում է մոտ 50-60 միլիոն եվրո։
