Ինչպես արդեն տեղեկացրել էինք, ֆան-ակումբները՝ FAF երկրպագուական շարժման գլխավորությամբ, շարունակում են պահանջել Հայաստանի Ֆուտբոլի ֆեդերացիայի նախագահ Արմեն Մելիքբեկյանի հրաժարականը։
Պահանջին միացել են նաև Հայաստանի Պրեմիեր լիգան ներկայացնող «Փյունիկն» ու «Ուրարտուն»։ Սկզբում հայտարարությամբ հանդես է եկել «Փյունիկը», որից հետո երևանյան ակումբին է միացել «Ուրարտուն»։
«Փյունիկի» մամուլի ծառայությունը ողջույնի խոսք է հղել «Ուրարտուին»՝ գրելով․ «Ուրարտու 
։Եվս մեկ անգամ միասնության կոչ ենք անում հայկական մյուս ակումբներին»։
Հիշեցնենք, որ հոկտեմբերի 13-ին Հայաստանի ընտրանին Ազգերի լիգայի խաղարկության շրջանակում սեփական հարկի տակ 0։2 հաշվով զիջել էր Մակեդոնիայի հավաքականին, ինչը պատճառ էր հանդիսացել երկրպագուների բողոքի մեծ ալիքի։ FAF երկրպագուական շարժումը մի քանի անգամ Հայաստանի Ֆուտբոլի ֆեդերացիայի մասնաշենքի մոտ իր բողոքի ակցիաներն է կազմակերպել՝ պահանջելով ՀՖՖ նախագահի հրաժարականը։ Երեկ՝ հոկտեմբերի 31-ին, Հայաստանի Բարձրագույն խմբի 14-րդ տուրի՝ «Վեստ Արմենիա» — «Ալաշկերտ» և «Շիրակ» — «Գանձասար» խաղերում նույնպես բողոքի ակցիաներ կազմակերպվեցին։
