«Ինտերի» թուրք կիսապաշտպան Հական Չալհանօղլուն կարող է որակազրկվել «ներաձուրիների» ուլտրասների հետ հանդիպումների համար, հայտնում է La Gazzetta dello Sport-ը:
Հականը ցուցմունքներ է տվել «Միլանի» և «Ինտերի» (Curva Nord և Curva Sud) ուլտրասների առաջնորդների ձերբակալությունների վերաբերյալ, որոնք մեղադրվում են «Սան Սիրո» մարզադաշտի տոմսերի վաճառքից գումար շորթելու և այլ հանցագործությունների մեջ։ Չալհանօղլուն խոստովանել է, որ հանդիպել է «Ինտերի» ուլտրասների առաջնորդների հետ, չնայած նրան, որ ակումբը խորհուրդ էր տվել խուսափել նման հանդիպումներից։ Ֆուտբոլիստը և նրա թիմակիցները հետաքննության տակ չեն գտնվում։
Արդյունքում Հականը կարող է մեկ կամ մի քանի խաղի որակազրկվել, եթե պարզվի, որ նա խախտել է Սպորտային արդարադատության օրենսգրքի 25-րդ հոդվածը, մասնավորապես՝ 10-րդ կետը, համաձայն որի խաղացողներին արգելվում է կապ ունենալ այնպիսի երկրպագուների խմբերի հետ, որոնք ակումբների հետ փոխկապակցված ասոցիացիաներում ընդգրկված չեն։ Այս կանոնի խախտման համար նախատեսված է նաև 20 հազար եվրոյի տուգանք։
