«Սպարտակի» նախկին գլխավոր տնօրեն Յուրի Զավարզինը շնորհավորել է լեգենդար Նիկիտա Սիմոնյանին, որն այսօր տոնում է ծննդյան 98-րդ ամյակը, փոխանցում է Metaratings.ru-ը:
— Այսօր Նիկիտա Սիմոնյանի պես մարդու կարիքն ունի ոչ միայն «Սպարտակը», այլև ողջ ռուսական ֆուտբոլը։ Սիմոնյանը մեր սեփականությունն ու հպարտությունն է, բայց, ցավոք, մենք միշտ չէ, որ նրան ընկալում ենք որպես կենդանի մարդ։
-Ի՞նչ նկատի ունեք:
-Այն մարդկանց, ովքեր ստեղծել են ռուսական ֆուտբոլի փառքը, պետք է մի փոքր այլ կերպ վերաբերվել: Ոչ թե տարին մեկ անգամ տալ, որ նրանք գնդակը նետեն տրիբունաներից, իսկ տղաներն այն հասցնեն խաղադաշտ։ Ե՞րբ ենք մենք տեսնում նրան, այդպես չի կարելի։ Ես հաստատ գիտեմ, որ ՌՖՄ-ի շենքում ոչ բոլորն են նրան դեմքով ճանաչում։ Վերելակում երբեմն հարցնում են, թե նա որ հարկում պետք է իջնի։ Դա անթույլատելի է: Նա ամեն ինչի հասավ իր աշխատանքով, բայց այսօր թերագնահատված է։
Նիկիտա Սիմոնյանը ծնվել է 1926 թվականի հոկտեմբերի 12-ին, Արմավիրում։ 1930-ականներին նրա ընտանիքը տեղափոխվել է Աբխազիա, որտեղ ֆուտբոլիստն անցկացրել է իր պատանեկությունը։ Ծննդյան ժամանակ նա ստացել է Մկրտիչ անունը, սակայն բակի ընկերները նրան անվանում էին Նիկիտա։ Մանուկ հասակում նա երաժշտություն էր սիրում, փայլուն լսողություն ուներ։ Հայրենական Մեծ պատերազմի ժամանակ Սիմոնյանի ընտանիքը Սուխումում էր, որտեղ նա հանդիպեց տեղի «Դինամոյի» խաղացող Շոթա Լոմինաձեին, ով դարձավ նրա առաջին մարզիչը։ 1944 թվականին Սիմոնյանը սկսեց հանդես գալ Սուխումի «Դինամոյի» երիտասարդական թիմում, մեկ տարի անց թիմը խաղաց մոսկովյան «Կռիլյա Սովետովի» հետ և երկու հաղթանակ տարավ, իսկ Սիմոնյանը խփեց այդ խաղերի բոլոր գոլերը: Հենց այդ հանդիպումներն էլ նրա համար ճանապարհ բացեցին դեպի մեծ ֆուտբոլ։
Ֆուտբոլի ԽՍՀՄ առաջնությունների ընթացքում նա անցկացրել է 285 հանդիպում, դարձել 145 գոլի հեղինակ: Նիկիտա սիմոնյանը ԽՍՀՄ քառակի չեմպիոն է, կրկնակի գավաթակիր:
ԽՍՀՄ վաստակավոր մարզիկ է, Ռուսաստանի ԽՍՖՀ վաստակավոր մարզիչ, ապա ԽՍՀՄ վաստակավոր մարզիչ, «Հայրենիքի հանդեպ ծառայությունների շքանշանի» դափնեկիր։ Մոսկվայի «Սպարտակ» ֆուտբոլային ակումբի բոլոր ժամանակների լավագույն ռմբարկուն է՝ խփած 160 գնդակով:
2011 թ-ին ՀՀ Նախագահի հրամանագրով Հայ-ռուսական բարեկամության ամրապնդմանն ուղղված գործունեության, ինչպես նաև հայկական ֆուտբոլի զարգացման գործում ներդրած նշանակալի ավանդի և ունեցած ծանրակշիռ ձեռքբերումների, ֆուտբոլի ասպարեզում երկարամյա արդյունավետ աշխատանքի համար պարգևատրվել է Պատվո շքանշանով։
2013 թ. հոկտեմբերի 10-ին Հայկական ֆուտբոլի զարգացման գործում ներդրած նշանակալի ավանդի և ձեռք բերած փայլուն նվաճումների համար պարգևատրվել է «Հայրենիքին մատուցած ծառայությունների համար» 1-ին աստիճանի մեդալով։
