Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը Ռուսաստանի Պրեմիեր լիգայի 14-րդ տուրի «Սպարտակի» դեմ (2:1) տարած հաղթանակից հետո կիսվել է հանդիպման վերաբերյալ իր տպավորություններով։
«Ավարտը, անշուշտ, տհաճ էր։ Բայց ընդհանուր առմամբ լավ հանդես եկանք, թիմը պայքարեց։ Այնպես որ՝ արժանի հաղթանակ էր։ «Սպարտակը» ուժեղ թիմ է, մենք մի փոքր թուլացանք վերջում։ Հնարավոր է՝ որոշ հատվածներում հոգնեցինք։ Սա ֆուտբոլ է։ Գլխավորը այն է, որ թիմը հաղթեց։ Մենք ունենք երեք միավոր։ Կաշխատենք երկրորդ խաղակեսի մեր սխալների վրա և կշարունակենք շարժվել առաջ», — ասել է Սպերցյանը Match TV-ի հետ հետխաղյա զրույցում։
Հիշեցնենք, որ խաղի վերջնամասում «Կրասնոդարը» ստացավ երկու կարմիր քարտ և բաց թողեց գոլ։
Ընթացիկ մրցաշրջանում Սպերցյանը «ցուլերի» կազմում մասնակցել է 20 հանդիպման՝ դառնալով 6 գոլի և 10 գոլային փոխանցման հեղինակ։
