Լուիս Էնրիկեն մեկնաբանել է Ուսման Դեմբելեի դուրս մնալը թիմի հայտացուցակից։ ՊՍԺ-ի վինգերը դուրս է մնացել Չեմպիոնների լիգայի «Արսենալի» դեմ հանդիպման հայտացուցակից։ Ավելի վաղ ԶԼՄ-ներում հաղորդվում էր, որ նա կոնֆլիկտ է ունեցել գլխավոր մարզչի հետ։
«Այսպես կասեմ՝ եթե ինչ-որ մեկը չկատարի իր պարտավորությունները թիմի նկատմամբ և պատրաստ չլինի… Կարծում եմ, որ այս շաբաթը կարևոր է, որ այս հանդիպումը կարևոր է, և ես ցանկանում եմ, որ իմ ֆուտբոլիստները լինեն լավագույն մարզավիճակում:
Ես նրան դուրս եմ թողել հայտացուցակից և լավագույնն եմ ցանկանում իմ թիմի համար։
Ասածիս ավելացնելու ոչինչ չունեմ։ Ես լիովին անկեղծ կլինեմ ձեզ հետ, բայց ես չեմ պատրաստվում այդ թեման վերածել հեռուստասերիալի։ Մեր միջև տարաձայնություն չկա։ Խնդիր կա ֆուտբոլիստի՝ պարտականությունները կատարելու հետ, բայց նրա և մարզչի միջև խնդիր չկա»,- մեջբերում է Էնրիկեին RMC Sport-ը:
