«Մանչեսթեր Սիթիի» գլխավոր մարզիչ Պեպ Գվարդիոլան պատասխանել է այն հարցին, թե արդյոք քաղաքայինների թիմը կարո՞ղ է շարունակել բարձր որակի խաղ ցուցադրել կիսապաշտպան Ռոդրիի բացակայության պարագայում, որը մինչև այս մրցաշրջանի ավարտը կբացակայի ծնկի խաչաձև կապանների պատռվածքի պատճառով։
«Եթե մենք հաղթենք, ապա այո [մենք կկարողանանք մրցել առանց Ռոդրիի]: Եթե պարտվենք, կասեն, որ Ռոդրիի բացակայության պատճառով է։ Վերջին տարիներին չի եղել մի օր, երբ ես վստահ չլինեմ իմ թիմի վրա՝ Ռոդրիի հետ կամ առանց նրա:
Իհարկե, մենք նրա հետ ավելի ուժեղ կազմ ունենք, ավելի ուժեղ ենք նաև, երբ Նաթան Ակեն, Օսկար Բոբը, Կևին Դե Բրույնեն դուրս են գալիս խաղադաշտ… Բայց մենք ունենք այն, ինչ ունենք»,- Գվարդիոլայի խոսքերն է մեջբերում City Xtra-ն X սոցիալական ցանցում (նախկինում՝ Twitter):
