Նախկին ֆուտբոլիստ Հարի Նևիլը հավատում է «Մանչեսթեր Յունայթեդի» ապագա հաջողություններին.
«Մանչեսթեր Յունայթեդը» նորից կսկսի հաղթել, դա նույնքան անխուսափելի է, որքան արևածագը։ Երբ դա տեղի կունենա՞, ես չգիտեմ: Այստեղ երաշխիքներ չեն կարող լինել, բայց ես գիտեմ, որ այս բաները տեղի են ունենում պարբերաբար:
Ես լավ գիտեմ, որ «Մանչեսթեր Յունայթեդը» կրկին տիտղոսներ է նվաճելու։ Հուսով եմ, որ դա տեղի կունենա իմ կյանքի ընթացքում: Մեծագույն ակումբները չեն կարող անդադար անկում ապրել։ Կներեք, բայց այդպիսի ակումբները չափազանց մեծ են, չափազանց կայացած, ունեն մեծ պատմություն, բայց ունեն նաև վատ ժամանակաշրջաններ։
Տեսեք, երեք-չորս շաբաթից Անգլիայի գավաթի եզրափակչում «Մանչեսթեր Սիթիի» դեմ շատ ծանր խաղ է լինելու, մենք գիտենք, թե որքան լավն է «Սիթին»: Եթե նրանք կարողանան մարտահրավեր նետել նրանց, ով գիտի, թե դա ուր կարող է հանգեցնել: Գիտեք, 1989/90 մրցաշրջանում սըր Ալեքս Ֆերգյուսոնը նվաճեց Անգլիայի գավաթը, և դա հավատ սերմանեց նրա և ֆուտբոլիստների մեջ: Հետո նրանք հաղթեցին գավաթակիրների գավաթը, հետո լիգայի գավաթը և ի վերջո՝ լիգայի տիտղոսը: Այդ ամենը կառուցվել է աստիճանաբար, քայլ առ քայլ։
Այնպես որ, միգուցե շատ շուտով, կամ գուցե մի քանի տարի անց, բայց «Մանչեսթեր Յունայթեդը» կրկին կհաղթի, դա անխուսափելի է»,- մեջբերում է մանկունիանցիների նախկին ֆուտբոլիստին Sky Sports-ը:
