«Վերդերը» մինչև մրցաշրջանի ավարտը որակազրկել է կիսապաշտպան Նաբի Կեյտային, քանի որ ֆուտբոլիստը հրաժարվել է մեկնել Բունդեսլիգայի 29-րդ տուրի «Բայերի» հետ խաղին (0:5), այն բանից հետո, երբ իմացել է, որ ընդգրկված չէ մեկնարկային կազմում։ Այս մասին հայտնում է ակումբի մամուլի ծառայությունը։
Հաղորդվում է նաև, որ ակումբը զգալի չափով տուգանել է կիսապաշտպանին։ 28-ամյա խաղացողն այլևս չի մարզվի թիմի հետ և չի լինի առաջին թիմի հանդերձարանում։
«Մենք որպես ակումբ չենք հանդուրժի Նաբիի պահվածքը. Նա հիասթափեցրեց իր թիմին դժվար պահին կապված վերջերս ունեցած մեր մարզավիճակի և կազմում ունեցած հասանելի խաղացողների հետ, և իր շահերը վեր դասեց թիմի շահերից:
Մենք չենք կարող թույլ տալ, որ դա տեղի ունենա: Մրցաշրջանի այս փուլում մեզ անհրաժեշտ է լիարժեք կենտրոնացում մնացած խաղերի վրա և թիմ, որը կառչած կմնա: Այդ պատճառով մենք այլընտրանք չունեինք»,- Կլեմենս Ֆրիցի խոսքերն է մեջբերում ակումբի մամուլի ծառայությունը։